2017(e)ko abenduaren 15(a)

Konpetentziak... Nola ebaluatu?

Legeak ezartzen du: “Ikasturte amaieran, azken ebaluazioaren ondorengo txostenean agertuko dira arlo edo ikasgai bakoitzeko kalifikazioak, eskola-errendimenduari, gizarte-heziketako integrazioari eta, hala dagokionean, laguntza- eta indartze-neurri orokorrei buruzko informazioaz gain, oinarrizko konpetentzien eskuratze-maila eta mailaz, zikloz edo etapaz igotzeko edo ez igotzeko erabakia.
 Ebaluazioari lotutako agindu horrek ez du esan nahi ikasleen bi ebaluazio bereizi egin behar direnik: bata ikasgaien ikaste-prozesuan oinarritua; eta, bestea, oinarrizko konpetentzien garapenean. Arloen (LHn) edo ikasgaien (DBHn) ebaluazio-irizpideak dira ikasleak ebaluatzeko erreferente argiak, eta oinarrizko konpetentziak ebaluatu ahal izateko adierazleak ere badituzte.

Irakasleoi konpetentziak ebaluatzeko lana errazteko, Berritzegune Nagusiak gida bat publikatu du. Gida honetan topa ditzakezu:
- Oinarrizko konpetentziak baloratzeko adierazleak:
     Adierazleak formulatzeko kontuan hartu diren irizpideak
     Ebaluazio-adierazleak
- Oinarrizko konpetentzien eskuratze-maila baloratzeko prozedura:
     Nola identifikatu lorpen-maila
     Nola jardun ebaluazio-saioan

Gida hauek, euskaraz eta gazteleraz Berrigasteiz.com web orrian daude.


iruzkinik ez:

Argitaratu iruzkina